LiseMette

Godtefri helg

LiseMette — Sun, 20 Dec 2009 23:45:09 +0000

Pappa ditcha som sagt oss ungane på onsdag, og alt som var att av sukkerhaldig mat var fire flasker julebrus og ein tredjedels melkesjokolade. Grusomt. Men me klarte oss; fredag fekk me heimebakte horn hjå Mommo og laurdag vart me bedne på middag.

Ellers da…skal me sjå, nei, det har vel ikkje skjedd noko spesielt…ikkje noko bloggnemneverdig iallfall.
Superinteressant, eg veit..eg burde ikkje ha blogga (var det som var planen), men så vil eg ikkje mista alle dei to lesarane mine heller.

Det siste eg treng å høyra når eg er trist og lei av alt
er at eg har valgt det sjølv
takk

Nest siste Sogndalsbusstur

LiseMette — Thu, 17 Dec 2009 22:57:14 +0000

…forhåpentlegvis.

Eg fekk ikkje så mykje tid til overs som eg hadde håpa på. Meen eg stresshandla bittelitt og no trur eg at eg har alt dekka, minus gåven til Nina.
Det er det same kvart år, og eg lærer aldri ! Føler meg som verdas verste storesøster, for eg vil jo eigentleg gi ho noko ho blir glad for og har lyst på. (åjåj, svensken snakka nettopp svensk i True Blood tøft !) Endar som regel med at eg kjøper eit eller anna crap på vetlejulafta…ehe, sorry Nina.
Eg skal jobba ettermiddag på julafta uansett, så eg får vel ikkje med meg noko. Det er berre å seia takk og farvel til håpet om å få julestemning i år. Alle andre dagar i jula hadde eg ikkje brydd meg noko om, men akkurat julafta er jo spesiell. I fjor var eg langt ifrå nøgd med jula og var stort sett sur heile romjula, så i år ville eg gjera det skikkeleg, men neida. Formidag og natt hadde gått heilt fint, men sjølvsagt måtte eg få ettermiddag, det er jo berre typisk min flaks. Eg kan vel ikkje klaga heller, når eg først har fått meg jobb. Off…karma.

Eg har brukt all mi ledige tid på å stemma fram Kaizers i dag. No står det mellom Ompa til du dør og Majesty med Madrugada, og det er lov å stemma kor mange gonger ein vil ! Så eg stemmer kontinuerleg, heilt til i morgon. Tungt arbeid, men det er verdt det.

Stem på Kaizers du òg !

Iskaldt

LiseMette — Thu, 17 Dec 2009 12:16:18 +0000

Eg vil berre pakka meg inn i tre tepper, skru ovnen på fullt og ligga på sofaen resten av dagen. Men neida, eg må ut i kulden, setta meg på ein kald buss og reisa til overkalde Sogndal, alt for 45 minutt med teori eller noko slikt. (Hadde ikkje Farmor ringt for ein halvtime sidan så hadde eg glatt forsove meg (har ikkje iq om morgonen og er superflink til å slumra.))
Tenkte eg skulle få gjort unna resten av julegåvene i dag, det hadde vore overgodt ! Men eg har ikkje laga meg oversikt over kva eg skal kjøpa til kven osv (treng lister !), men eg får no berre trø til eg er ferdig med det, ingen veg utanom no.
Jessjess, no må eg springa på bussen, den kalde bussen.

Supersmart…jada

LiseMette — Thu, 17 Dec 2009 00:20:06 +0000

I dag sto sikkerheitskurs på Hydro på timeplanen, i tillegg til å stå tidleg opp for å hjelpa døgnrytmen litt i gang. Det siste gjekk ikkje, som vanleg.
Eg bussa meg opp i Øvre litt over ein halvtime før eg skulle møta. Så eg gjekk innom “senteret” for å sjå etter julegåver, optimistisk nok ein gong, kjøpte nesten noko, men fekk for dårleg tid.
Så gjekk eg kappgang opp til Hydro (djises kor kaldt det er ute!), og var andremann som møtte opp. Me vart sendt til eit rom med ni datamaskiner, tretten stykkjer. Og sidan eg ikkje er spesielt frampå av meg fann eg meg ikkje datamaskin fyrst, og måtte venta til resten var ferdige før eg fekk byrja, og kurset tok over ein time !
Klokka var godt over fem då eg kom igong. Det gjekk fint (100% rett, yay). Klokka 18.15 var eg ferdig, og bussen gjekk 1810. Så då var eg plutseleg stuck i Øvre, og det var iskaldt ! Eg småsprang nedover mot Farmor ringte, men fekk ikkje svar. Då eg kom ned var døra låst og eg såg eit augeblink for meg ei blåfrosen Lise-Mette i fosterstilling på dørmatta, men så, aha, fekk eg ein superide som gjorde at eg klarte å bryta meg inn.
Etter ein time under Farmor sitt gedigne pledd kom ho endeleg heim og lagde jaggu kakao og kveldsmat til meg. Så sjekka ho bussrutene, og der sto det at bussen nedatt hadde gått 1850. Eg var bombesikker på at det var 1810 og såg etter på iPoden der eg hadde skrive det ned (men ikkje sjekka sidan eg var bombesikker), og jada, der sto det 1850… Flott, eg kunne altså ha nådd bussen nedatt etter kurset, men istaden måtte eg venta til halv elleve-bussen. Jeje, litt koseleg med farmorbesøk da.

I morgon blir det Sogndal, siste timen før oppkøyring. Då skal eg bli ferdig med julegåvene ! Eg må.

Då var eg klarert (gadd ikkje speglvenda, når det fyrst er dårleg kvalitet kan det lika godt vera speglvendt òg)

Har nokon gåvetips til ei slik ei ?

Langkøyring

LiseMette — Tue, 15 Dec 2009 16:57:03 +0000

I dag var det nok ein gong tid for å dra seg ut av senga frykteleg tidleg. Eg la meg halv elleve for å vera flink, eg var trøytt og eg sovna ! Men det hjalp jo fint lite at eg vakna att klokka eitt, og det var ikkje snakk om å få sova att. Så då vart eg liggande å stirra på at klokka nærma seg morgon.

Langkøyringen gjekk fint, faktisk, meir nøgd no enn sist gong. I Førde fekk eg 45 minutt fri, og optimistisk som eg er (he he) tenkte eg at eg skulle få gjort unna julegavehandelen. Ikkje hadde eg peiling på kva eg skulle kjøpa, og ikkje fekk eg nokre åpenbaringar medan eg trødde på sentera heller. Så i år (som i fjor (og året før det)) blir julegåvene relativt enkle…det er tanken som tel. Skal prøva å fiksa resten i morgon, då skal eg på sikkerheitskurs i Øvre, shoppingmekkaet over alle shoppingmekka. Det er jo faktisk straks jul ! Kjenner eg stressar no.
Åja ! Ein ting til, eg har fått meg jobb i ferien, så no må eg venna meg til å vera vaken i over 12 timar i døgnet. Det er hardt ! No er eg dautrøtt, lang dag, uten søvn, off. Nei, eg skal prøva å ikkje “ta ein liten lur”, som eg alltid gjer, så skal det nok bli orden på dette òg.

Sånne bilete har me aldri sett før, eg er superorginal…

omgomgomg !! :D / (Artistslepp)

LiseMette — Sun, 13 Dec 2009 22:19:43 +0000

Okei, NO er eg superhappy !!!

Vinjerock lanserte sin fyrste artist i går, og sjølv om det berre vart lansert ein artist, har eg bestemt meg for at eg skal på Vinjerock, ingen kan stoppa meg ! GÅTE skal nemleg spela, kan du tenka deg ei meir fantastisk konsertoppleving ? Neppe. Folk-rock i sjølvaste Jotunheimens ville landskap (håpar dei skal spela før det blir mørkt). Eg gler meg iallfall som ein liten unge akkurat no, plutseleg i superhumør, det er så godt å ha noko å gleda seg til. Og no gler eg meg til sommaren. Har ikkje lyst til å jobba då, vil ha tid til alt ! Blir kanskje ein tur til Storåsfestivalen òg, for sjølvsagt må jo Gåte spela i si eiga heimbygd når dei fyrst er i gong. Så har eg heilt sjukt lyst på Roskilde ! For der skal nemleg MUSE spela, det berre må eg ha med meg, ikkje snakk om noko anna. Vil ikkje reisa aleina då, joinar du ? Eg er veldig grei å ha med å gjera, eigentleg.

Gåte

Muse

gaate.no og somewhere on flickr

Blomar i desember

LiseMette — Fri, 11 Dec 2009 15:42:19 +0000

???

Innandørs hadde kanskje ikkje dette vore spesielt oppsiktsvekkande, julestjerner og orkidear i full blomst, men når det er snakk om utandørs er det litt anleis. Då eg kom heim i dag såg eg plutseleg nokre friske fargar i blomsterbedet (som eg alltid har vore så flink å luka i, hø hø), så eg stoppa opp litt, og ja, det blomstra. Riktignok berre èin blome då, og ein knopp på rosebuska, men herregud, det er desember ! Skal det ikkje vera frost og tele og det som verre er i jorda no da ? Men neida, årdalsblomane er hardføre dei, no er det faktisk akkurat 0 grader ute, men det har vore ganske mildt i det siste.

Rart, men ganske koseleg, eigentleg

Trøytt, igjen

LiseMette — Thu, 10 Dec 2009 00:04:37 +0000

Det seier seg jo kanskje sjølv at når ein er van med 16 timar søvn kvar natt, og dagar som berre består av sofasitting og facebook, at det ikkje er verdas enklaste ting å stå opp før sju to dagar på rad.
I går var eg på glattkøyring og alarmen vart stilt til :

Noko som eg tykkjer er grueleg tidleg. Ikkje fekk eg sova heller, så etter fire timar med stirring i taket og kanskje ein time søvn, stod eg opp. Gjekk faktisk rimeleg bra, sjølv om alt går i super-slow-motion om morgonane rakk eg bussen fint og var i Sogndal til klokka halv åtte. Så bar det vidare til glattkøyringsbana utanfor Skei, eg køyrte og hadde ingen store problem. Sjølve glattkøyringa var…grei/kjedeleg. Køyrte nok ned eit par fotgjengarar og elgar, men det er jo meininga (hø hø).

Etter eg var ferdig hadde eg risikokurs, og var difor ikkje heime att før klokka halv ni. Og eg var heilt ferdig ! Hovudverk, så svolten at eg var kvalm, og så trøytt som eg aldri har vore før. (Eg plar aldri vera vaken i over tolv timar) Men eg kunne ikkje legga meg før eg hadde dusja og planlagt dagen i dag. Eg såg Greys anatomy på senga og la meg etterpå, og eg sov ! Har ikkje sovna so fort på leenge ! Vakna faktisk klokka fem og trudde eg hadde forsove meg sidan eg faktisk var utkvilt.

I dag var det langkøyring til Fagernes. Det gjekk litt så som så, er langt i frå nøgd med meg sjølv der. Eg såg ikkje innkøyring forbudt-skilt (såg det eine, men usjølvstendig som eg er, køyrte eg berre rett fram når ho ikkje sa noko anna). Så var det forbikøyringen som var ganske dårleg (byrja iallfall dårleg, så då gjekk ikkje resten bra heller). Det siste var farten min, som var litt sånn bob bob… (slapseføre, køyrte ikkje seint nok, men hadde null problem).

Alt i alt; misfornøgd ! Best å fokusera på det negative, det andre er det jo ikkje vits å bry seg med.

Då eg kom heim i dag klokka fem var eg jo dautrøytt igjen, og eg skulle ikkje sova, for då får eg ikkje sova att i natt. Eg kjempa tappert, dusja og holdt meg aktiv, men så la eg meg ned for å sjå handballkamp. Før eg ana ordet av det hadde eg sovna, vakna kvart på ti…flotte greier. Så no er eg vaken, ser på True Blood, og skal legga meg snaart, heia Jon Blund.

Eg har endeleg fått meg nattbord og nattbordslampa

Veit detta vart langt, sorry
Tek jo att for i går òg då, så eg er litt unnskyldt

Hugs og stem på Kaizers !

LiseMette — Mon, 07 Dec 2009 22:08:40 +0000

Kaizersfansen har teke over avstemminga over tiårets beste norske låt. Akkurat no leiar Ompa til du dør framføre Majesty med Madrugada, og eg trur det er ganske jamnt. Majesty smakte litt på fyrsteplassen ei lita stund, heilt til Kaizerfansen klarte å mobilisera stemmekreftene igjen. Så for all del ! Gå inn her for å stemma ! Og stem rett ! Kaizers er nominert med heile 3 låtar(!), og du kan stemma på alle tre låtane kvar dag framover !
Når du fyrst er der inne synest eg at du òg kan gi ei stemma til Gåte (Sjå Attende). At Gåte gav seg tykkjer eg er noko av det tristaste i nyare norsk musikk sin historie.

Så kan du òg gå inn her for å stemma på Kaizers som tiårets artist, sånn for sikkerheits skuld. (Sjølv om dei leiar ganske klårt)

foto:Paal Audestad (…formodar eg)

Så var det måndag…igjen

LiseMette — Mon, 07 Dec 2009 17:22:04 +0000

Vekene går eigentleg ganske fort for tida, sikkert fordi det straks er jul og eg ikkje har handla ein einaste presang enda…som alltid.
Eg har nettopp vakna, eller eigentleg ikkje, eg vakna klokka 10 av alarmen, og klokka 11, men eg stod ikkje opp før pappa ringte litt før fem og sa det var middag. Ohyeah, stolt, men eg har jo ingenting å gjera på, kan jo lika godt ligga å chilla i senga. Eller nei eigentleg ikkje, men eg orka berre ikkje stå opp i dag, sjøl om eg visste at eg måtte, skal nemleg på glattkøyring i morgon, og då må eg opp tidleg ! Aldri i verda om eg får sova i kveld…

No skal eg sjå reprisen på Noreg-Chile, var derfor eg hadde alarm på i dag tidleg, men å stå opp til kvart over 12 vart altså for hardt. Det er bra det går ein reprise klokka seks for slike sovedyr som meg. Håpar på målfest ! Ingen får seia resultatet til meg ! Har vore flink og haldt meg unna alle aviser til no.
Så skal eg lesa vidare i Mannen som elsket Yngve, som eg endeleg er komme skikkeleg i gong med. Har kjøpt alle Tore Renberg bøkene om Jarle, for han skriv jo berre himmelsk ! Eg har planar om å bli lesehest igjen, bøker er jo koseleg, men etter datamaskinene gjorde sitt inntog i livet mitt har eg liksom ikkje funne tida til dei lenger. Bøker er bra hjernetrim (vil ikkje få demens) og superbra for kreativiteten (iallfall når det gjeld skriving), så me får sjå om eg kanskje blir ein flink bloggar snart.